Reservat da guaud natiral Uaul Prau Nausch
A la populaziun da la regiun porscha il guaud in spazi da recreaziun singular e dat in’interessanta invista en la vita dal guaud.
Uaul Prau Nausch – in guaud selvadi?
Il num local «Uaul Prau Nausch» raquinta anc oz dal temp che quest territori da guaud vegniva pasculà. I sto però esser stà ina povra pastgira, nua che mo las chauras chattavan insatge da magliar.
Enfin l’onn 2003 vegniva l’Uaul Prau Nausch era explotà da l’economia forestala. Cunquai ch’i mancava ina via da guaud, è l’explotaziun da laina adina stada pitschna e sa concentrava sin la dismessa da plantas attatgadas dal bau da scorsa. Durant ils ultims 40 onns è vegnì taglià en l’entir territori dal reservat en media mo 50m3 laina per onn. Il davos tagl da 2003 ha racoltà 160m3 laina che ha stuì vegnir purtada davent cun helicopter. Pli baud vegniva la laina transportada cun la metoda da fastatg. Ils mutagls tagliads laschavan ils lavurers da guaud ruschnar a val l’enviern sin la naiv en vials spezials.
L’Uaul Prau Nausch conuscha ina lunga istorgia d’explotaziun tras l’uman. Perquai na correspunda el betg ad in «guaud selvadi» en il senn pli stretg. Sch’in guaud na vegn dentant betg utilisà durant ina perioda pli lunga, pon ins observar en il decurs d’intgins decennis enfin tschientaners maletgs dal guaud che sumeglian ad in guaud selvadi. L’Uaul Prau Nausch
Stadi da protecziun
Reservat da guaud natiral d’impurtanza communala cun la collavuraziun da la Pro Natura e dal chantun Grischun.
L’engaschament da la Pro Natura
La Pro Natura Grischun è la partenaria dal contract da servitut cun la vischnanca da Tujetsch. Plinavant ha la Pro Natura gidà a finanziar la purschida d’infurmaziun (tavlas d’infurmaziun e flyer)
Naturschutzgebietdetails
Viadi
Cun la Viafier retica enfin a Sedrun.
Purschidas
Il reservat da guaud sa chatta en la Val Nalps ed ha dus access: Sut Seivs (pct. 1644) e Stavel sut il Tgom (giusut pct. 1913).
Las suandantas rutas da viandar mainan a las duas entradas:
•Da Sedrun: sur Plaun dil Lai – Uaul Surrein ed ensi vers Sut Seivs u sur Surrein – Canadal a Sut Seivs (omaduas rutas 1.5 uras)
•Da Sedrun cun la pendiculara enfin a Stavel sut il Tgom – descensiun en il reservat (0.5 uras)
•Da la Val Nalps: da Pardatsch da Stiarls ensi sur Plaun Palits enfin a Stavel sut il Tgom – descensiun en il reservat (1 ura)
Las rutas d’access mainan sin sendas da viandar bain passablas e marcadas (marcaziun mellen e cotschen-alv, T1 fin T2 tenor la scala da viandar en muntogna CAS). In pass ferm e segir è d’avantatg.
Further Information
Info
Cumportament en il territori protegì:
Betg derscher plantas u rimnar laina
Nagina pasculaziun
Ir sin las sendas da viandar marcadas
Tegnair il chaun vi da la corda
Scumandà da cleger bulieus e coclas
Lubì dad ir a chatscha